الموضوع: القراءة للجميع ... لمن تكون ؟

اعتقد انه في هذا الوقت فعلا لم تعد تصلح المقولة التي تنادي بأن القراءة للجميع مع الظروف الاقتصادية الصعبة ومع ظهور التكنولوجيا ودخول الانترنت في كل منزل تقريبا .. فالانترنت اصبح هو وسيلة جلب المعلومات وهو مصدر الثقافة المتوفرة حاليا .

دمت بخير

القراءة للجميع
عبارة ترددت على مسامعنا
وفرضت على مشاهداتنا في التليفزيون
القراءة للجميع
هي دعوة جميلة هدفها نبيل
هي حلم .. رؤية
حلم بها صاحبها قصدي صاحبتها
لكن ياترى اتحقق الحلم
لا أعتقد
عارف ليه لم يتحقق
مش علشان ثمن الكتاب أصبح باهظا
لا لا لا
لأنه حلم جاء في غير أوانه
اتأخر علينا كتير
لأننا ببساطة نسينا الكتاب
واتلخبطت صفحاته
وضاعت معالمها من عيونا
وبالتالي أولادنا ما شافهوش في أيدينا
معظمنا طحنته الحياة في طاحونة البحث عما يسد الرمق
ويغنيك وأولادك عن سؤال اللئيم
علشان كده معالم كتبنا ضاعت

حقولك على حاجة تحزن لها
أنا كان عندي مكتبة تخصصية في اللغة العربية وفنونها وآدابها
مكتبة متواضعة لكنها غنية جدا
جيت سافرت فشونتها في صناديق
وتركتها في بيت أمي
ورجعت بعد سنوات ليست بكثير والله
لأجدها حالها يرثى له من الرطوبة
ومياه مسح الأرض اللي اتسربت إليها
فقررت اتبرع بالصالح منها لطلبة يدرسون نفس تخصصي
وبالفعل خرجتها عن آخرها
لأني ما بستفيد منها نهائيا
نفس الكتب دي وجدت معظمها هنا على الانترنت
فبرجع لها وقت ما بحتاجها
وبس
خلصت حكايتي مع الكتاب
كما خلصت في بيت

أحزنتني يا إنسان
فكرتني بما كان
وقت ما كان الكتاب ثمنه بيوجعنا وبالرغم من كده بنشتريه
الآن مرمي على الرصيف ومش لاقي حد يشتريه
وسلم لي على الكتاب

وردد معايا
القراءة للجميع

يعنى نقدر نقول القراءة للقليل.
كل الشكر.